وجه الفنان أحمد أمين “عرفات” بمسلسل “جزيرة غمام”، الشكر لأصدقائه وأساتذته، فى منشور له عبر وسائل التواصل الاجتماعى “فيس بوك”، خاصة أولئك الذين كان يسترشد بآرائهم لأداء الشخصية.
يشار إلى أن مسلسل جزيرة غمام قصة وسيناريو عبد الرحيم كمال، بطولة طارق لطفى ومى عز الدين وأحمد أمين.
وقال أحمد أمين فى منشوره: أنا الحمد لله محظوظ إن فيه في حياتي ناس بقدر اسألها على الخطوات اللي محيراني أو لما بغلط الناس دي بتوجهني بحب.. وبعد ما ناس كتير شكرت في مسلسل جزيرة غمام لازم اشكر أصدقائي وأساتذتي اللي رجعت لهم عشان يساعدوني إزاي أعمل “عرفات” طبعا مؤلف و مخرج المسلسل دورهم لا يغفل لكن أنا أقصد من أصدقائي بقى بعيد عن المسلسل شكرا للفنان محمد خضر.. صديقي المخرج محسن رزق.. صديقي المخرج علاء إسماعيل.. صديقي المنتج محمد جبيلي..
وأضاف: أما الفضل الأكبر فيذهب لأستاذي وأخويا الكبير اللي خد من وقته وساب الدنيا وقعد معايا فعلا نشتغل.. وده حصل برضه أيام ما وراء الطبيعة.. هو المخرج الكبير الأستاذ عصام السيد.. مؤمن بيا من وأنا بمثل مسرح أيام الجامعة.. ومن غير نصيحته أنا ماسواش حاجة.. ولازم في مساحة تانية هاكتب لكم أنا اتعلمت منه إيه في الحياة والفن.. ربنا يخليك ليا ومافيش كلام يوفيك حقك.. وعلى رأي عرفات ” الكلام يقلل
