أمس حضرنا عرض مسرحي ارتجالي في دبي في مسرح الچانكن السركال اڤينيو، بدعوة كريمة من الفنان الجميل الشاب المصري الواعد #كريم_العناني
بجد استمتعنا جدا بالعرض وفوجئنا ان المسرح كامل العدد لدرجة أننا احنا وناس كتير قعدنا على السلالم
#فرقة_عالبركة شباب فنانين ارتجاليين جامدين جدا ، وعندهم موهبة عالية جدا
ولو إنتوا زيي اول مرة تسمعوا او تحضروا المسرح الارتجالي دي نبذة مختصرة عنه
هي مسرحية بدون نص مكتوب مسبقا، فقط بتعتمد على التفاعل المباشر والمستمر مع الجمهور لحظة بلحظة،
المرتجلين بيسألوا الجمهور عن اي حاجة وبناء على الرد بيعملوا سكيتش فوري ويبنوا عليه احداث كوميدية
او يطلبوا حد من الجمهور ويسألوه عن حياته وبعد كده يعملوا مشهد لطيف فوري عن الشخص ده
او يخلوا الجمهور يشارك معاهم في مشاهد كوميدية والجمهور اللي يألف موقف سريع
يعني اكتر شيء مميز في هذا النوع من الفن أن الجمهور لا يشاهد فقط، بل يصبح جزءًا من العرض، (لمن يرغب طبعا ان يعيش التجربة ويشارك) يصعد للمسرح ويؤلف موقف ويعيش المتعة.
المسرح الارتجالي تجربة تستحق المشاهدة (والمشاركة لمن يجرؤ)
مسرح يعتمد على الخيال الواسع المرتجلين وسرعة بديهة عالية وخفة الدم
مسرح بلا نص ولا قيود ولا حفظ، فقط ارتجال اسكتشات لحظية وردود افعال لأحداث غير متوقعة
تحية لكل الفنانين الشباب المرتجلين الرائعين اللي شاركوا في العرض الجميل ده وان شاء الله لما اعرف أسماءهم حكتبها في البوست
سوسن سحاب
