أيمان فرج تكتب مالذى يصعب عملية التعافي من العلاقات

التوقع ..
اني أكون في علاقة سامة جدا .
وبتحمل فيها ( التجاهل / المزاجية / الغضب / السب / الأهانة / الألم / ال mind game / عدم الراحة / الصبر علي مؤشرات خيانة )
خوفآ من ان الشخص دة يسيبني ..
_ طب ما يسيب عادي !!
= لا مش عادي .. مش عادي اني اعيش وحيدة مش عادي اني اصحي يوم ومشاركش يومي مع الشخص دة .. انا مش متخيلة حياتي من غيرة .. مش متخيلة انة مش هيكمل معايا .. انا يومي كلة معاه وبية .. اول ما بصحي لحد ما بنام بنتكلم .. هو مركز يومي وكوني ..

** أكبر غلط تعملة
إنك تختصر الدنيا في شخص .. اي ان كان الشخص دة مين يمكن ( اهالينا الأب والأم ) أقدر اقول انة شئ فطري جدا علشان عايشين معاهم بشكل مستمر .. اما بقي شخص مش بيقدملي اي حاجة غير انة ( بيضغط نفسيتي )

_ لا ثانية واحدة يا إيمان ( هو مكنش كدا )
اول ما اتقابلنا كان لطيف جدا وظريف وبيتعامل بمنتهي اللطف وبيحاول بكل السبُل انة يجذبني ليه وحتي انا قولتلة من البداية انا مش عايزة أحب حد علشان منجرحش بس هو صمم .. هو اللي فضل يقولي كلام يقنعني أكمل .. هو اللي أثبت انة يستحق احبة ..

= أثبت بأية ؟!
_ قالي هنتجوز وهنعيش مع بعض .. فضل يكلمني عن بيتنا وأحلامنا .. عن ولادنا واسمائهم ..
= كان بيعمل اية علشان يكمل معاكي ؟!
_ انا كنت بسيبة كتير وهو بيصالحني .. كان بيحاول يراضيني ويسعدني
= اتقدم ؟!
_ لا بس كان بيحاول
= وأثناء المحاولة ؟!
_ كان بيتعصب كتير .. ومهمل جدا .. اوقات كان بيبقي اون لاين وميتكلمش .. كان بيتعمد يتجاهلني .. كان بيهزر مع صحابة ولو كلمتة يكلمني بضيق .. بيبدع اي مشكلة .. بيتهرب .. (بعد ما حبيتة وحببني فية بقي حبي حمل علية )
= المانع عنده كان اية ؟!
_ كان بيدور علي شغل
= ولاقي ؟!
_ اه انا دورت له علي شغل وبعد ما لاقية واشتغل اتجاهلني ومش بس كدا هو بقي يهزر مع بنات ويحاول مع غيري قدامي ولو اتكلمت يقول شغل .. كنت شايفة واحدة معينة بتهزر كتير ويوم ما انا مقدرتش قالي انتي نكدية ومش هكمل محاني علشانها ..

** الشخص أول ما بيوصل للي هو عايزة بيحاول انة غير المكان

بمعني
الشخص دة لو مش داخل علاقة جدية وداخل علشان يتسلي او يوقعك وانتي بالنسبالي تارجت .. أول ما هيوصلك هيسيب علي طول .. اول ما يعلقك بية و( يضمنك) هيحاول مع غيرك ..

= الشخص اللي بيختصر يومة في شخص ( لو غاب الشخص دة هيحس انة انتهي ) ..
اي حاجة هتعلق بيها روحك هتكون ( عبد ليها ) حرفيا .. فلازم يكون في يومك اكتر من مصدر تستمد منه سعادتك وميكونش يومك محصور في شخص او شئ معين ..

= كل التوقعات ( المخوفات ) اللي بتخوفك إنك تقول لعلاقة سامة في حياتك لا .. تأكد بأنها هتقتلك يوم ما .. لأنها مش حقيقية هي مجرد هواجس من نفسك بإنك ( مش هتلاقي حد يحبك تاني / انت نفسك مش هتحب تاني / هتخاف تدخل علاقة جديدة لتتساب / لسة هتحب من اول وجديد وتاخد علي شخص ولسة ويا تري هترتاح لة ولا لا ) هواجس كتير ملهاش اي اساس من الصحة
لو تفتكر حبيت الشخص دة لية اصلا ( ممكن متلاقيش سبب)
ونفس الحكاية لو حبيت شخص تاني ممكن متلاقيش سبب .. ويمكن يكون هو دة العوض ليك عن كل اللي عشتة وعن العلاقة السامة .. فلازم تعترف قدام نفسك إنك مقصرتش .. وان السبب مش من عندك وانك تستاهل تتحب واكيد هتلاقي شخص يحبك ويشاركك يومك وحياتك كلها وهيكون افضل من الشخص دة .. وإنك اتخلصت علي الأقل من ( شعورك بالذنب / والدونية / والخوف من المجهول / وانتظار ما لا ياتي / وطول الأمل /والصبر علي علاقة مؤذية )

فأكيد انت الرابح