تحميل التسامح

التسامح من المشاعر يلي صعب تعيشها مع كل الأشخاص يلي بمرو بحياتك ... حبة ظروف كتابة : ذكرى بمقطع غنية لأصالة بقول: (أسرار بقلبي لا تتكتم ولا تتحكي ولا يفهموها الناس ، بس إللي لازم يتعرف كتر الألم بموت الأحساس ، مش كل ماضي بنعشقو في ماضي لازم يتنسي ويداس وكفاية أنو تعاش بوقت ما نسبناش ) هي هون بتوصف حالات كتير من الناس يلي بقلبهم أسرار مخباية ومن الطبيعي أنو ما حدى يفهمها يالله هالكلمات شو بتوجع لأنو مو كل شخص بيفهم الوجع يلي إحنا بنحسو حتى لو عاش نفس الشعور إحنا بشر وحتى الألم بيختلف كل شخص عن التاني وعشان هيك في أنسان بيسامح وفيي يلي ما بيقدر وفي يلي بحاول .. بس لما الوجع يزيد عن حدو بخلي الأنسان يكون بلا قلب ما بيقدر يغفرلك ولا بأي شكل بكون هاد الشي فوق طاقتو مش كل واحد بحياتنا بيأذينا بنقدر نسامحو ومش كل ماضي دايما حلو في ماضي عنجد بكفي أنو عشناه مع ناس ما بتستاهلنا ولا بتستاهل إحساسنا فيهم هدول الأشخاص بالزات يلي المفروض تمحيهم من حياتك نهائي وحتى لما يلمحوك بمكان يكفي ، يكفي بس إنهم يتفرجو عليك من بعيد وما يقدرو حتى يقربو ويسلمو عليك.