تحميل طبيب يتهم توكيل غبور برفض صيانة سيارته رغم وجودها فى فترة الضمان

قام الطبيب دكتور مهاب عبد الباقى أخصائى النفسية والعصبية بمستشفى أم المصريين بنشر شكوا على صفحته الشخصية يتهم فيها توكيل غبور بالتقاعس ورفض صيانة سيارته رغم وجودها فى فترة الضمان وجاء فى شكواه كما نشرها على صفحته الشخصية بجد بلاش حد يشتري من غبور - تجربة كابوسية مع تيجو 8! عايز أحذر كل الناس من التجربة اللي حصلت معايا مع شركة غبور. بجد الموضوع كله نصب وضياع وقت، وتعامل في منتهى الاستفزاز. اشتريت عربية تيجو 8، وفجأة كده العربية بطلت تشتغل نهائي وهي لسه في الضمان! جبت ونش وشحنتها على التوكيل يوم 16 مارس، وسجلوا العطل عندهم. ومن ساعتها وأنا مستني أي حل! بعد ما حاولت أوصل لهم كتير، قلت أروح بنفسي للفرع يمكن حد يهتم. أتفاجأ إنهم رافضين يصلحوا العربية رغم إنها في الضمان! وبيقولوا إن المشكلة "سوء استخدام" وإن التصليح على حسابي! يعني إيه سوء استخدام؟ العربية واقفة ومش بتدور خالص! ازاي تبقى المشكلة منّي؟! لما طلبت تقرير بالحالة أو إثبات على كلامهم، قالوا إن الموضوع كده وخلاص، وإنه مفيش حاجة تتعمل. يعني بدل ما يحاولوا يحلوا المشكلة أو حتى يشرحوا السبب بطريقة محترمة، يرموا التهمة عليا وخلاص! الخل…