رساله لكل ظالم …
بقلم / رضا طلعت فهيم
رساله لك بمثابه انذار
ضمير .
قبل ماربنا ياخد اجلك
والإعمار بيد الله طبعا .
لكل شخص ظلم حد واكل حق حد.
او كان سبب اذي وتعب نفسي لحد الموت.
مش شرط يكون نتيجة مرض او حادثة… الموت وارد جدا يجيلك وانت نايم او وانت ماشي في شقتك وصحتك زي الفل
راجع نفسك دلوقتي وشوف هل كنت سبب في ظلم حد سواء اكلت علية فلوس او خليتة يخسر شغلة ومصدر رزقة او طلعت علية اشاعة معينة او بتشوه صورتة قدام حبايبة او سرقت مشاعره ورميتة او تعبتة لحد مافارق الحياه .
او عشمتة وخذلتة ايا كان نوع الالم الي اتسببت فيه هل لو فارقت الحياه حالا…
مجهز نفسك .. هاتقول اية للي خلقك.
هل مستعد تخسر ابديتك وفردوسك الابدي
مستعد تخسر اخرتك عشان حاجة مش دايمه فكر… وماتجاوبش ..ان ماكنتش مقتنع انك غلطان ولاخايف ربنا أو من اللحظة دي ولاحطيتها في حساباتك كمل ودوس علي الناس براحتك وبقلب جامد ومتنساش يجوز ربنا مطول في عمرك علشان مستنيك تتوب وتطيب بخاطر القلوب اللي ظلمتها او عشان تقرا اكلاني دة وتراجع نفسك
احنا كلنا منتظرين عدل ربنا
مش بنقوله تقصف عمرهم
لا بنقوله يارب اتصرف بعدلك ورحمتك
الرحمه والعدل طبيعه خلقها فينا الله .. ولكن كتير منا انتزعت منه بحكم قسوه الحياه أو موقف حدثت لنا …..جعلتنا قساه قلوب …..ليس في قاموس مفردات حياتنا الموده والرحمه الالهيه ……
صدقوني لايبقي للإنسان غير سيره حسنه يتركها ميراث لمن بعده
فخافظوا ع قلوبكم نقيه طاهره خاليه من كل ظلم وجبروت …
لا سلطة ولا مال ولا ميراث يقدروا يضمنوا لك مكانا في السماء …..
بل مفتاح السماء هي الاحسان والرحمه والقلوب الطيبه ..
كونوا رحماء كاالله رحيم بنا …
