اخطر أنواع الفيتامين المدمره للجهاز العصبي
جمله قالها يحي الفخراني لمحمود عبد العزيز في فيلم الكيف
هو ده الامفيتامين يعني الآيس يعني الشابو يعني الكريستال كلها أسماء لمنشط لعين وليس مخدر
يدمر حرفياً الجهاز العصبي والمناعي
هلاوس سمعيه وبصريه ونظريه مؤامره وخوف دائم يؤدي الي ارتكاب ابشع الجرايم
افكار انتحاريه وتنفيذ ايضاً
اهمال وسرقه واغتصاب وسجن وموت وتلف في خلايا المخ لدرجه ان في خلايا في المخ بتنتحر علشان مش عارفه تعيش
الجرعه الاولي باور وصحيان وفوقان ومابعدها كان اعظم
سمعنا كتير عن حوادث ونقول ده اكيد شخص مجنون
لا هو مش مجنون هو بياخد ايس
من جرام ب ٤ الالف جنيه للجرام ب ٣٠٠ جنيه
طب ده اسمه ايه ؟!
مش قصتنا مين المستفيد من كده
القصه انك لازم تلحق نفسك بنفسك وماتكابرش علشان ماتندمش وقت لا ينفع الندم ومع ذلك في امل كبير في التعافي
اعراض انسحابه جسديه ونفسيه لان المتعاطي وقت التعاطي بيحس بالنشوه والفرح والسعاده وسرعان مايتحول الي اكتئاب حاد وامراض نفسيه اخري
الايس .. جرعه واحده اكثر من اللازم
لو عاوز تبطل هتاخد القرار
لو مش عاوز هتلاقي الف حجه
