دخلت الفنانة مروة عبد المنعم في نوبة بكاء عقب حديثها عن من تخلوا عنها أثناء محنتها، وفترة ابتعادها عن الفن وخاصًة الفنان تامر حسني.
وتحدث الفنانة مروة عبد المنعم عن هذه الفترة، وذلك خلال استضافتها في برنامج قعدة ستات، الذي يعرض على قناة “القاهرة اليوم”، وتقدمه الإعلامية مروة صبري، وقالت: “لسه كنت بقول لبنتي إني مش عارفة صرفت عليهم طول السنين اللي فاتت دي إزاي بس الحمد لله بتمشي”.
وتابعت: “أنا وقفت جمب نفسي ومحدش وقف جمبي غير ربنا، لأن ربنا عظيم وكريم، وأوقات بتكلم مع نفسي وأقول أنا هصرف السنة دي إزاي”.
مروة عبد المنعم: أشرف زكي وإدوارد وقف معايا
واستكملت مروة عبد المنعم حديثها قائلة: أشرف زكي وقف معايا، إدوارد كان وقتها معايا، ومكنش كتير، ودول اللي كانوا اقفين معايا، ومش هقول مين أتخلى عني، وفي ناس استنيت إن هما يبقوا معايا ومزعلني أوي ومش عايز أقول مين، ومكنوش صحابي أوي وعلى الأقل في بينا عشرة من الوسط الفني، ولما أقابلهم في لوكيشن بيقوليلي إيه الأخبار وبيسألوا عليا، وبقول الأسماء في الحاجة الكويسة.
وتابعت: وأشرف زكي وقف معايا جامد جدًا بصراحة، ومن أكتر الناس اللي وقفوا معايا، كنت متخيله إن تامر حسني يسأل عليا، وخاصًة كان لسه في عمر وسلمى حصله موقف في الجيش وروحتله مع إني لسه مكنتش صاحبته، والناس اللي بينا عشرة شغل فقط مسألوش عليا، إحنا مش عشرة خروج وفصتح، وتامر من الناس اللي قريبة مني، ومبعتش رسالة ولا كلمني، أحمد صفوت من الناس اللي وقفوا معايا، وأحمد زاهر وقف معايا في حاجات كتير جدًا.
برنامج “قعدة ستات” تقدمه الإعلامية مروة صبري على شاشة “القاهرة اليوم” السبت من كل أسبوع وتستضيف خلاله عددًا من نجوم الفن والمشاهير.
