أصدق حب . بقلم / هاميس جمال

أصدق حب .
بقلم / هاميس جمال
الحب الصادق بين اى قلبين دائما ما يخلق حالة من الألفة و الحب المستمر .
الحب هو إحتياج للوجود الحقيقى بين الطرفين !!
أن تشتاق لسماع صوت حبيبك … فيكلمك و يقولك صوتك وحشنى ف حبيت اكلمك !!
ف عز قلقك على شخص بتحبة … تسمع صوتة بيطمنك .
الإحساس دة مش وليد ف لحظة ، دة وليد مراحل و أوقات جميلة و أوقات صعبة مرت قلوبكم بيها .
فالحب عمرة ماكان كلمة حلوة … ولا لمسة إيد .
الحب الحقيقي مواقف صعبة و صبر على أزمات و مواقف تحاول تفرق ما بينكم .
الحب الحقيقى أنكم تقبلوا عيوب بعض من غير ما تحاولوا تغيرها … لان مع الوقت الحب كفيل بتغير أي عيب لأننا ( مش ملائكة) .
الحب الحقيقى زى الدائرة ملوش بداية ولا نهاية و كأن حبيبك إتخلق معاك و جوه روحك ف لحظة ميلادك .
الحب الحقيقى حياة مش هتعرف تعيشها من غير حبيبك لأن هو مصدر السعادة بالنسبة ليك و هو نسمة الحياة إللى قلبك عايش بيها .
الحب اللى بجد لا يمكن تعوضة ف بلاش ماتخسروا أحبابكم أبدا .
الحب الحقيقى ” سند و قوة وقت الضعف ” .
” ضحكة وقت الحزن ” .
” أمان وقت الخوف ” .
” سلام وقت الإضطراب ” .
في ناس كدة زى الملاك الحارس لحياتك و قلبك صعب جدا يتكرر أو يتعوض .
و تأكد يا عزيزى …
أن من يحبك لا يمكنة إهدارك أو إضاعتك .
من يحبك سيجتهد فالحفاظ عليك … و ضع تحت الحفاظ عليك ” ١٠٠٠ خط ” لأن الحب بدون رعاية مووووت .
من يحب يؤمن كامل الإيمان أن الحب مجهود .. و ليس فقط كلمات … فهو يجيد التوحد فيك .
فالحب يا عزيزى طُهر و تطهر .. تّطهُر حتى من الذنوب التى لم تفعلها .
فمن يخشى التقصير ف حقك … هو على يقين تام بأن التقصير جريمة لا يعاقب عليها القانون بل جريمة تعاقب عليها الأيام .
من يحبك بصدق لن يرهقك نفسياً أو عصبياً .
من يحبك يعرف كامل المعرفة ان خسارتك لن يعوض … ف يعمل جاهداً على إلا يخسرك .
من يحبك لا يكرر أخطاءة … لانة يعلم إذ كرر نفس الخطأ سيسقط من عين قلبك للأبد .
فقط من يحبك … سيشعر بك دونما أى أحاديث بينكم
فهو ف الشدة《 سند 》 و فى الوحدة 《 ونس 》و فى الغربة 《 وطن 》
فقط من يحبك بصدق سيفعل المستحيل لإبقائك ف عالمة .