الختان في مصر: الوعي بيزيد… والخطر لسه موجود

الختان في مصر: الوعي بيزيد… والخطر لسه موجود

في دراسة حديثة سنة 2024، 57% من المصريين قالوا إنهم مقتنعين إن ختان الاناث يتسبب مضاعفات خطيرة، ممكن توصل للوفاة. في نفس الوقت، 25% نجد العكس، و18% مش عارفين.

الأرقام دي بتقول إن الوعي بدأ يزيد، لكن لسه فيه طريق طويل عشان العادة دي تختفي من حياتنا.

عادة مش دين

كتير من الناس يعتقدون إن ختان الاناث له أصل ديني، لكن الحقيقة إن الأزهر والكنيسة أكدوا إن مفيش أي سند ديني بيأمر بالختان. دي عادة اجتماعية قديمة، اتوارثناها من غير ما نسأل.

الجرح مش بس في الجسد

الاناث التي تتعرض للختان مش بس بتتألم وقتها. المضاعفات الصحية ممكن تكون خطيرة جدًا: نزيف، التهابات، مشاكل في الولادة. ده غير الأثر النفسي اللي بيفضل معاها سنين.

القانون موجود… بس لازم يتطبق

من سنة 2016، القانون في مصر بيجرّم ختان البنات، وفيه عقوبات واضحة. لكنى لحد دلوقتي، في حالات تتم في الخفاء. لذا، لابد من تطبيق القانون بجوار التوعية، ونصل لكل بيت في كل قرية.

الختان مش “سترة”.. الختان خطر

كل انثي ليها حق تعيش من غير ألم، ومن غير خوف. كل مرة انثي بتتختن، المجتمع كله بيخسر. والتغيير الحقيقي هييجي لما نفتح الموضوع، ونتكلم، ونوعي، ونرفض نسكت.