الكاتب الشاعر سمير احمد القط يكتب “الحب نور”

الحب مش كلمة تتقال 

أو حرفين على

 شط السطور

الحب نور

نور ينور القلوب

نور يزين الدروب

نور يخلى البشر

زى الملائكه ..زي الطيور

الحب دنيا تانيه 

مافيها ثانيه

م الكدر…من الغضب

ومن السفور

الحب هو الربيع 

يظهر بديع

يختطف قلوب من الشجن

تنبت على شط الامل

بساتين زهور

الحب ماله زمان ولا مكان

الحب نبع للأمل

 ولا بستهان 

 ‏ولا حتى زور

الحب هو عنوان الحنان

 معنى الامان

 ‏يحتاج اليه كل البشر

 ‏يسعد كبير

 ‏ لو حتى قبل مايحتضر

 ‏عايش حضور

 ‏الحب يسعد شباب 

 ‏يجمع أيديهم والقلوب

 ‏زى الكتاب معنى وحور

الحب ‏يسكن

 تملى بين الضلوع 

 ‏يشفى وجوع

 ‏وتبان خطوطه

 ‏ فى النظر بهجه وسرور

 ‏الحب هو مفتاح السعادة

الحب ‏سر من اسرار العبادة

 ‏اصله مداد…للصالحين

 ‏نبع الحياة من عهد ادم

 ‏وعهد كل الانبياء

 ‏دستور…. ونور 

 ‏الحب ضحكة فى العيون

 ‏ساكن ضلوع العاشقين

 ‏شوقه حنين

 ‏يعزف كأنه سيمفونيه 

 ‏تفوح ..عطور

 ‏الحب جامعه ومدرسه

 ‏فجر ومسا

 ‏للام وللوليد وللبعيد

 ‏مرسال حنان 

 ‏وسلسبيل من البحور

 ‏