بعيدا عن الـ independent woman كتبت / إيمان فرج

مصطلح المرأة المستقلة ظهر بسبب اضطراب العلاقة بين الرجل والمرأة ..

ربنا أما خلقنا خلق كل شخص ليه دوره المرأة دور النعومة وقوة المشاعر .. والرجل الصلابة والمسؤولية والتأمين بيكلموا بعض ..

وبيحصل خلل لو فرد فيهم قرر يتخلي عن دوره ويسيبه للطرف التاني وقتها بيتحول دور الشخص سواء ذكر او انثى
وبيحصل اصعب تحول يوصل للتغير الحرفي في حياة الشخص ..

لو اتكلمنا عن المرأة
بتلجأ للقوة من شدة الضغط .. ومرورها بأزمات عاطفية كتيرة .. انتجت منها نسخة بصفات ذكورية .. القوة في المشاعر التعامل بحده عدم إدراك كامل بأنوثتها ..
ودة في الأغلب بيكون بسبب ذكر ما في حياتها
تخلي عن دوره .. فـبدأت هي مواجهة الحياة بشكل أكثر صلابة .. فـ تخفي مشاعرها .. وتبدأ تتعامل بشئ من الحدهـ مع اي راجل بيدخل حياتها .. أو تهمش دور الراجل عموما في حياتها ودة لأنها اعتمدت اعتماد كلي علي نفسها لبست الدور الذكوري والانثوي وبدأت تتعامل مع الحياة بشكل أكثر حدة من اللي اتعرضت له ..

بالرغم من اشتياقها الشديد لرجل في حياتها تسند له دقه الحياة .. بتخاف تقرب منهم .. وبتبكي كل ليلة علي سوء اختيارها .. اللي وصلها لمرحلة تلغي فيها عواطفها واحتياجاتها الانثاوية
فتبدأ ترفض أي تلميح بالمشاعر .. تبدأ تشوف كلمات الحب هزلية ومضحكة .. ومتصدقش اي كلام من اي راجل .. وتتعامل بـ نديه وعصبية .. واذا حست انها هتميل لشخص ما تتعامل ببرود أو بشئ من العنف .. علشان يبعد عنها ..

في نفس الوقت اللي أنوثتها تتوق للحب
في نفس الوقت اللي بتبكي فيه أن مفيش في حياتها سند
في نفس الوقت اللي بتشوف قصص حب حواليها بتتمني لو تكون بطلة قصة حب لراجل حقيقي في حياتها صادق

الحقيقة أن الحب والمشاعر فطرة ربنا خلقنا عليها .. واي تبديل للأدوار بيخرق قوانين الهيه عظيمة لذلك الكثير من النساء لجأن الي الاستقلالية لغياب رجل حقيقي صادق في حياتهم يرمون حمولهن عليه ويستأمنونه علي أنفسهن يفتقدون السند
فلا داعي لإطلاق الاتهامات الكاذبة هي مجرد اوجاع نفسية عميقة بسبب أشباه رجال ..
فليعود كل جنس الي ما خلقه الله عليه .. ويقوم بدوره علي اكمل وجه حتي تعود الطبيعة كما كانت رجل وامرأة
وليس رجل متأنث وأمراة مسترجلة