مصر تحتفل باليوبيل الذهبي لإعادة افتتاح قناة السويس. بقلم: يوستينا ألفي

مصر تحتفل باليوبيل الذهبي لإعادة افتتاح قناة السويس.

في 5 يونيو 1975، عادت قناة السويس تفتح أبوابها مرة تانية بعد غلق استمر 8 سنين بسبب حرب 1967 وحرب الاستنزاف. يوم كان مليان فرحة وأمل، لأنه كان بداية جديدة لمصر وللعالم كله، إذ القناة دي شريان حياة مهم جدًا للتجارة والملاحة البحرية.

لكن القصة ما بدأتش هنا.. القناة كانت قلب المعركة في حرب أكتوبر 1973، لما الجيش المصري عبرها لأول مرة بعد هزيمة 1967، وده كان بداية انتصار كبير عكس كل التوقعات.

في يوم 6 أكتوبر 1973، الناس كانت عايشة يوم عادي، وافتكروا الدراسة والروتين، لكن فجأة سمعت أصوات الطيارات وبداية المعارك، والفرحة بدأت لما وصل خبر عبور الجيش قناة السويس. الكل احتفل والناس طلعت تزغرد في الشوارع، خاصة اللي اتأثروا من حرب يونيو وللي كان لهم أهل في الجيش.

بعد الحرب، بدأ العمل على إعادة فتح القناة وتنظيفها من الألغام والحطام، واشتغل الجيش والمهندسين سنين طويلة علشان يرجعوها زي ما كانت، بل وأفضل.

والنهاردة، بعد 50 سنة، بنحتفل بنجاح إعادة افتتاح القناة اللي فتحت أمل جديد لمصر وللعالم. القناة دي مش بس ممر مائي، دي قصة شعب صمد وصبر، قصة بطولة وتحدي.

القناة بتستقبل آلاف السفن كل سنة، وبتعد من أهم طرق التجارة العالمية، والدولة بتستمر في تطويرها عشان تضمن مكانتها العالمية.

مش مجرد ذكرى، انما درس في الصبر والعمل والإصرار، وبصمة في تاريخ مصر العظيم.