شمس..اهلا بالاغراء
هذا هو سر نجاح زقاق المدق .
الثوره دمرت جيلي
حوار / سحر وهدان
فى البداية الف مبروووك على هذا النجاح المبهر فى عرض زقاق المدق فى الموسم الثالث ؟
شكرا لحضرتك يا استاذه سحر واتمنى ان اكون عند حسن ظنكم
هل شعرت بالخوف من مقارنتك مع شوشو او سامية جمال فى الفيلم ؟
أبدا لم أشعر بالخوف لأن اداءى للدور كان بشكل مختلف تماما عن أداء الفنانة سامية جمال,ولان بداياتى فى المسرح لمدة سبع سنوات وكانت على يد أساتذتى كبار فى عالم المسرح مثل الرحل حسين كمال والمخرج المسرحي الكبير جلال الشرقاوي ،وكانوا بمثابة المدرسة لى لأنى لم أدرس في معهد السينما أو المسرح؟
ما سبب غيابك عن مسرح القطاع العام منذ عرض (حوش بديعة)
لم يعرض عليا مسرحية قطاع عام بحجم مسرحية زقاق المدق،فانا بدأت وتربيت في مسرح القطاع العام وكانت لى تجارب كثيرة ناحجة مثل مسرحية،(اللعبة المجنونة)مع الفنان الكبير (المتصر بالله)
رغم إدوراك الكثيرة في السنيما ليه الجمهور مش بتفتكر غير دورك في (فيلم ثقافي)رغم صغر حجم الدور؟
لأن الدور كان عبارة عن نكتة حلوة وده توفيق من عند ربنا ..
ايه الدور اللى شمس نفسها تجسده خلال الفترة المقبلة ؟
للاسف الشديد انا واحدة بتبان أدام الناس أنها شقية أو صوتها عالى وده حصرنى في أدوار معينة رغم انى لعبت ادوار كثيرة مختلفة منها ادوار لم ترى النور ومنها أدوار نحجت جدا
والحمد لله أنا لعبت دور الفلاحة والصعيدية وفتاة الجامعة والراقصة والكلاس وغيرها
ايه الدور اللى شمس نفسها تجسده خلال الفترة المقبلة ؟
للاسف الشديد انا واحدة بتبان أدام الناس أنها شقية أو صوتها عالى وده حصرنى في أدوار معينة رغم انى لعبت ادوار كثيرة مختلفة منها ادوار لم ترى النور ومنها أدوار نحجت جدا
والحمد لله أنا لعبت دور الفلاحة والصعيدية وفتاة الجامعة والراقصة والكلاس وغيرها..
هل أنتى راضية عن مكانك الحالى فى الوسط الفني ام كان هناك تقصير من ناحيتك؟
بصراحة التقصير كأن من ناحيتى انا نظرا لظروف زواجى وتربية ابنى ورعايتة وسفرى الكتير ووفاة امى
ولكن لم أكن أعلم أن غيابى في فترة عن الوسط يجعلنى عندما أعود كانى ببدا من أول وجديد…….
هناك فنانىن بيبداوا بدايات قوية جدا وده بيخلبهم يتشبعوا بالشهرة ويصابوا بحالة من الفتور الفنى ؟
ده فعلا حصل معايا لأنى بدأت بداية قوية في المسرح والتلفزيون ولكن مش حالة تشبع انا كنت محتاجه ارتاح شوية لأن الشغل في الفن مرهق جدا مش زى ما الناس فاكرة أن الفنان مرفه ولكن كنت فاكرة أنى لما ارجع ح ارجع في نفس مكانى إللى سيبته مش ح أبدا من أول وجديد ودى مش حالتى لوحدى دى حالة جيل كامل اختفى بعد الثورة وبدأ جيل جديد من المخرجين والمؤلفين والممثلين ومحدش يعرف الجيل إللى قبله؟
ناس كتير متعرفش انك مريتى بظروف صعبة ومؤلمة ازاى بتقدرى تخرجى من الحالة دى علشان تسعدى الناس كل يوم على خشبة المسرح ……….
؟
ده لأنى اتعرضت لمواقف كتير صعبة في بداية حياتى الفنية وده كان لما ابويا توفى أثناء عرضى لأحد المسرحيات ساعتها كملت العرض لأنى عرفت أن المسرح له قانون ومفيش حاجه ينفع توقفه حتى الموت وبقيت أعرف افصل لأنى ادربت على كده من بداية مشوار ى الفنى …….
في بداية ظهورك الفنى الناس كانت بتربط شمس بالبنت الشقية وأدوار الاغراء،ايه رايك في الكلام ده
من بداياتى من سنة 1996وانا بتسأل السؤال ده لو دورتوا في ادوارى كلها مش ح تلاقوا لى دور اغراء غير دورى في فيلم ثقافي يمكن اسمى هو إللى بيوحى بكده علشان اسمى شمس……
بعض الفنانين بدأوا حياتهم بأدوار اغراء وبعد ما اشتهروا توقفوا عن أداء مثل هذه الأدوار،هل أنت بتشوفى أن أدوار الاغراء مطلوبة في وقت معين ولا أنتى رافضة هذه النوعية من الأدوار بشكل مطلق؟
لو انتم ح تسموا دورى في فيلم ثقافي دور اغراء فأهلا بالاغراء لأنه دور كان عبارة عن افيه ونكتة كوميدية
وعلى فكره
وهذا الدور لم يكن دورى منذ البداية ولكن الفنان سامى العدل والفنان أحمد رزق اقنعونى بالدور
الذى كان وش السعد عليا وعليا
من وجهه نظرك ما هو سر نجاح عرض زقاق المدق …..؟
نجاح أى عرض هى الكواليس واحنا في زقاق المدق كلنا جيل واحد ومتحابين ومتعاونين مع بعض في فرش الافيهات لبعض،مش مهم مين فينا احسن المهم أن العمل كله ينجح وده المطلوب وخصوصا في المسرح
في الكواليس لو مفيش حب مفيش نجاح و للحق يرجع الفضل ذلك للمخرج الفنان عادل عبده رب هذا العمل
الذي خلق روح من الحب بين جميع ابطال العمل
