كشفت المطربة الجميلة شيرين عبدالوهاب، عن كواليس فترة اختفائها مشيرة إلى أنها كانت فى أمس الحاجة إلى أجازة من العمل والشهرة والغناء، وأنها فى إحتياج إلى فترة نقاهة.
وأكدت الفنانة، من خلال تصريحات لها ببرنامج “ET بالعربى” وقالت:ـ “أنا بشتغل من وأنا عندي 13 سنة، وبقالي حوالي 25 سنة مشهورة، والشهرة كانت كبيرة عليا بالرغم من إنها كانت أحلى سنين حياتي، وبجد كنت محتاجة لأجازة، وبالرغم من كده دايماً عندي إحساس إني بنت الجمهور لأنهم عملوا اسمي، وحقيقي وحشتوني زي ما أنا وحشتكم، وده من كتر المساندة اللي شفتها منكم الفترة اللي فاتت”.
وتابعت:ـ “حقيقي الناس كلها كانت خايفة عليا، حتى الفنانين كانوا زي الجمهور عاوزني أرجع، وبجد ربنا كرمني على الآخر بحب الجمهور، وعلى طول بحس إن كل البنات بناتي، ويارب متحرمش أي شخص من الضحكة الحلوة”.
ومن جانبها، فقد سبق وكشفت شيرين على سبب غيابها وأكدت فى تصريحات سابقة لها وقالت:ـ “أنا رجعت لحياتي.. كأني سمكة ورجعت للمية، وسبب غيابي يعود لظروف نفسية أكبر مني بكتير مريت بيها، واختفائي الفترة الماضية كان جزء من النقاهة وبقالي كام سنةمحتاجاها، وأنا لحد دلوقتي تعبانة نفسياً وبتعافى شوية بشوية، ولكن أنا دلوقتي أحسن بكتير من الأول”.
وجديراً بالذكر، فقد سبق وأعلنت المطربة شيرين عبدالوهاب عن عودتها بـ أُغنية جديدة بعنوان
“عودتنى الدنيا”، والأغنية كلمات أحمد المالكى وألحان تامر عاشور وتوزيع نابلسى، ومن المقرر طرحها قريباً، ومن المفترض أن تُحيى الفنانة حفلاً غنائياً يوم 28 إبريل الحالى بـ دبى.
