أسباب هروب البعض من العلاقات !!
أنا في علاقة مع شخص ( جواز / خطوبة / ارتباط )
= (هو )دخل حياتى .. وأبدي أعجابة بعدين فرض نفسة عليا وعمل Loadعليا طول الوقت .. لو حتي عملت أى حاجة تافهه يعجب بيها .. واستسلمت
( بادلته الأعجاب ) .. والمرحلة كانت جميلة جدا .. دخلنا في مرحلة هو بيتسابق عشان ( يبهرنى ويشدنى / وأنا منسجمة جدا وبطريقتى العادية ) ..
= بعدين دخلنا في مرحلة أعمق ( حب متبادل ) يعنى بقينا نسهر للصبح بنكلم بعض ( لو مرتبطين ) وأول ما أصحي مسدچ الصبح طبعا .. وأسمع صوتة وهو كمان طول اليوم .. ( أنت فين / هتاكل اية / روحت ولا لسة / أنت مع مين / رجعت / طمني عليك / تعالي عايزاك ) ..
عيشنا اليوم كأننا سوا ..
وكان بيكون (مشغول ويفضيلي نفسة / يفتح مواضيع بأى شكل / يحاول يشوف اية بيسعدنى )
= أنتقلنا لمرحلة أعمق ( متلبسيش / متنزليش / متكلميش / متروحيش ) ..
اللي فيما بعد أتطورت لـ ( اقطعي علاقتك / أقعدي من الشغل / متروحيش عند قرايبك ) ..
** أنا قطعت كل العلاقات عشان بحبة واي حد بيكلمني انا بحاول اني أتهرب منه عشان وقتي كلة يبقى لية ..
ودة بدوره نقلني لمرحلة صعبة ( بقيت مركزة معاه 24 س / بشك فيه / بفتقدة ودة بيخليني اكلمة 24 س عشان أنا فاضية / وتركيزى زاد في كلامة فطبعا بقيت بلاقي تناقض وأخطاء / كذب كتير وحوارات / حجج / تسويف / أنشغال / سرحان / مفيش مسؤلية أنا طول الوقت بعمل كل حاجة عشان اشيل من عليه لحد ما لاقيت نفسى شايلة كل حاجة بيت وولاد ومسؤليات كبيرة اروح لدكاترة وحدى مشاوير محتاجة راجل دروس حاجات كتير ) ..
= ودة وصلنى لمرحلة اصعب بكتير من الاولي ( خناقنا كتر / بقي شايفني نكدية / عصبية / مش طايقني / الحجج زادت / الأنشغال زاد بعد ما كان بيقولي لو مش فاضى افضالك بقيت معلش مشغول / ميردش عليا لو بتصل وفيه موضوع مهم / seen massage ومفيش رد / غياب مستمر / لا مبالاه / Distance dans les relations sexuelles بين المتزوجين تباعد العلاقة الزوجية / نفور مستمر ) ..
** أزاى أرجعة ؟!
= لو أنتي لسة مش متزوجة ( خطوبة / ارتباط ) .. حاولي تهربى عشان انتي بدأتي المرحلة غلط .. لية ؟!
_ ربنا أول ما خلق الخلق خلق ( سيدنا أدم ) وربنا خلق ليه السيدة حواء ليه علشان هى ( الحاجة ) بمعنى هي السكن هي الدفئ هى الأمومة هي الحضن والأحتواء .. هو اللي طلبها لذلك دايما هتسمع عن أن
( الراجل صياد / والست فريسة ) ..
_ معقول أنتي بتقولي كدا
= أه لأن دي الفطرة .. أن الراجل يتعب عشان يوصل .. ازاى ؟!
= الراجل تركيبة تفكيرة غير الست .. المرأة أقصى طموحها من جهة الرجل ( يكون شخص بيحبها وتعيش قصة حب ) ..
= الراجل بيكون تفكيرة ( الست دى تارجت لازم أوصله ) بمعنى هى حاجة ( عالية جدا خاصة لو عنيدة وتقيله وملهاش دخلة زى ما بيقولوا ) فيفضل وراكى .. أعجاب .. يبرز أهتمامة .. حبة .. هيسمعك كلام حلو حدا هتحسى أنة أول شخص خلاكى من جواكى تتحركى مشاعرك أتحركت اللى كانت زي الحجر .. وهتحسى فعليا أنة بيحبك لأن الكلام دة جديد عليكي .. تبدأي تدخلي معاه العلاقة هيشجعك لحد ما توصلى لأخر لأصعب مرحلة اللى فوق
طب لية حصل كدا ؟!!
= علشان هو وصل للتارجت بتاعه هو وصل للقمة زي ما بيقولوا ( طالها ) عرف يوصل للبنت الصعبة دى وحصل علي قلبها وخلاها زي الخاتم في صباعه ..
طب يعمل اية ؟!
= اللذه أنطفت خلاص .. أنا هكمل معاكي ليه .. شعور اللذه اللي كنت بحسة وأنا بحاول أوصلك معدش موجود أنا خلاص خليتك ( تقعدي تنتظريني بالساعات / تعشقيني / تحلفي أن مفيش زيي في الدنيا / تغيري عليا / تجري ورايا ) = جبت قلبك الأرض ..
هدور بقي على ضحية جديدة
#دكتورة هناء فاروق
استشاري الصحه النفسية و
العلاقات الاسريه والادمان