بقلم/ الاعلامي ايهاب الجندي ...
انا كنت كتبت قبل كده عن عدم قناعاتي بيفتوريا واني مش متفائل في هذه البطوله وان البطوله هاتكون اول اختبارت فيتوريا الحقيقيه ..
فيتوريا مدرب لم يقدم شيء للمنتخب من وقت وصوله ..اختياراته كلها عليها علامات استفهام وحتي عنده علامات علي لعب بعض الاعبين اللي مستواهم منخفض زي حجازي وعدم الدفع بياسر طول البطوله يدل علي غباء تدريبي …
هو ينفع اني اغير في بطوله زي دي كل ماتش باك شمال وباك يمين وخط النص في كل مباراه والمفروض الفريق داخل البطوله وعناصره كلها معروفه والتغير بيكون للإصابة او عدم التوفيق فقط لكن مره هاني مره عمر كمال مره فتوح مره محمد حمدي مره النني مره مروان مره حمدي فتحي …ايه العك ده وايه الرؤيه دي ..من الاخر فيتوريا لم يعلم شيء عن الفرق المنافسه ولم يحضر لهذه البطوله ومحصلش انه مسك منتخب قبل كده وكانت مصر اول اختبار له في تدريب المنتخبات وكانت للاسف تجربه فاشله ..بعد كل بطوله بنقعد نقول علي فساد الاتحاد ولازم يمشي ولازم المدرب يمشي بس المشكله مش هنا بس المشكله في كل المنظومه الرياضيه اللي ماشيه غلط وقولنا كتير بس للاسف زي ماهيا وتزيد فسادا اكثر واكثر مع الوقت ..الموضوع محتاج هدم كل شيء وإعادة البناء علي نضيف بس من ناس تانيه خالص غير كل الموجودين علي الساحه ناس عندها ضمير وعلم مش اكتر ..