رد المغني ويجز عبر حسابه بـ “إنستجرام” على رامي صبري بعد إعلان الأخير الصلح معه
وكتب ويجز : “سامحتني قبل ما أعتذر أخلاق ملاك، بجد أحرجتني بأدبك حصل خير يا رامي وبعدين أخوك الصغير إيه أنت عجزت؟ أنت لسه صغير أوى بالتوفيق يا مجتهد يا شاطر”.
وقد أنهى الفنان رامى صبرى أزمته مع مطرب الراب ويجز، وجاء ذلك فى رده على منشور الشاعر تامر حسين الذى دعم فيه صبرى، مشيداً بموهبته ومكانته وسط نجوم الغناء، ليؤكد رامى صبرى على انتهاء الأزمة وأنه سامح ويجز.
كتب تامر حسين عبر حسابه على فيسبوك موجها حديثه لرامي صبري، “شهادتي فيك مجروحة أنت صوت عبقري مش محتاج رأيي وخطواتك ما شاء الله لطريق النجاح بتكبر وتزيد وكل سنة، ناجح ومكسر الدنيا ولسه شايف ترتيب أنغامي أنت رقم ٢ في الاستماع بعد الهضبة ألبوم مكانك وفي الصدارة”.
وتابع، “تصريح مش موفق مِن ويجز رغم إن شفت له أكتر من لقاء كان راجل مُثقف ومُهذب جايز يكون واخد على خاطره أو فِهم كلامك غلط، إنما الأرقام اللى قالها مش أرقامك ولا الطريقة مُناسبة وأنت الكبير يا روما.. ويجز لو يعرف أنت أول واحد باعتلى أغنية البخت وبتقولى الراجل ده عنده حاجه مختلفة مكنش هيزعل كده دي شهادة حق والله”.
ورد رامي صبري على تامر حسين وكتب، “حبيبي تامر حسين الشاعر الكبير العظيم شكرا علي كلامك الجميل اللي زيك.. ويجز أخويا الصغير وأنا مسامحه وحصل خير”.