ادمان الحب
بقلم / هاميس جمال .
الحب ف حقيقتة بيصنف بأنه نوع من أنواع الإدمان ، و اللى إنسحابه لا يختلف عن إنسحاب أى نوع من أنواع المخدرات !
بيسبب ألم غير مبرر ف الجسم و الروح .
و تقف قدام مرآيتك و تسأل نفسك !!
هو أنا غلطت ف أية ؟؟
لية أتساب و يتغدر بيا كدة ؟؟
أنا كنت أكتر طرف معطاء ف العلاقة !!
أنا مكنتش منتظر حتى المقابل !!
أنا اللى كنت بسهر و أداوى و أدادى كمان .
أنا اللى كنت بضغط نفسى علشان العلاقة تستمر !!
أنا لية بتهان بالهجر كدة ؟؟
أنا … و أنا … و أنا ؟
و كم من علامات الإستفهام و التعجب كمان .
أقولك أنا بقى ع إجابة كل الأسئله دى ؟؟
الخوووف هو السبب و المحرك الأساسي لإستمرارك ف العلاقة المؤذية دى .
خايف تتساب … ف بتضحى للمنتهى .
خايف متلاقيش شخص يعوضك الحبيب ف بتستحمل معاناه الحياة بجانب قلب فاقد للحياة و للمشاعر م الأساس .
خايف تعانى ألم الوحدة … ف بتضطر تكمل فعلاقة لمجرد إحساسك بالونس .
و لأنك جيت على نفسك كتير جدا ، أكتر كمان من اللازم ..
أدمنت علاقة حولت قلبك لشخص هش جدا ، حولتك لأطلال إنسان ، و لبقايا روح .
العطاء لما زاد أفقد للحب قيمته .
العطاء لما زاد علم الطرف الآخر الإتكالية ، و الإعتمادية عليك قلباً و قالباً .
العطاء لما زاد حولك من حبيب و عاشق … لدور الأب أو الأم ليس إلا ، و دى من الكبائر العظمى لأنهاء أى علاقة للأسف ، و تحويلها من علاقة حب لعلاقة مسؤلية فقط .
حقيقي مش سهل إنك تصحى من نومك تلاقى رساله مكتوب فيها … آسف أنا مش عايز أكمل .
مش قادر أمثل عليك الحب أكتر من كدة !!
و قتها الدنيا بتقف … حرفياً بتقف ، و إحساس الألم جواك بيزيد يوم عن يوم .
و تدخل ف دائرة من الاسئله اللى ملهاش أى إجابة و لا حتى ف المستقبل .
هو أنا عملت اية علشان أتساب بالطريقة المهينه دى ؟
طيب غلطت ف أية علشان أتعاقب بالهجر دة ؟
و الاصعب إنك تصدق عن نفسك و تحس ب ( عدم الإستحقاق ) .
و تدخل جواك شكوك من عينه { أنا مستحقش أتحب } !
{ مستحقش قلب يخلص ليا } !!
{ مستاهلش التقدير } !!
{ مستاهلش أكون إنسان } !!!
يااااه هى وصلت لأنك مستخسر ف نفسك الإنسانية ؟؟
للأسف آه أنت فعلا ممكن تستخسر ف نفسك إنسانيتك فعلا !!
لكن الحقيقة العيب مش فيك أو مكنش فيك م البداية .
مش هقولك اللى زى دة أبعد عنه ..
لكن هقولك أعتربة درس مهما كان قاسى حاول تتعلم منه … و هقولك كمان إتعلم ازاى تحب نفسك صح و إزاى تتحب بالطريقة اللى يرتاح فيها قلبك .
و إنك زى ما كنت الطرف المعطاء ف العلاقة دى … من حقك كمان تأخد .
و نصيحة أخيرة ( أوقف نزيف العطاء )
الحب مشاركة … مش حد شايف نفسة أعظم من حد تانى .
و لا هى علاقة عبد ب سيد .
الحب طريق جميل بيمشى فية قلبين لآخر العمر .
الحب الحقيقى عهد و وعد بالبقاء .
الحب عبارة عن ( أنا .. إنت ) .
و مرة تانى … و تالت … ورابع هقولك { أوقف نزيف العطاء }