كتبت/ إيمان فرج
١_ معاييرك في الحب هتتغير هتعرف أن الرومانسية والحب مش اهم صفة تتجوز علشانها بل (الاهم انكتستقر وتألف شريك حياتك .. وتبدأ تتعرف علية عن قرب وتعرف مواطن سعادتة ويكتشف معاك الحاجات اللي بتسعدك .. )
٢_ في نفس المرحلة دي هتعرف أن (جمال البدايات مصيدة ، كلة بيرمي فيها شباكة .. لكن الحب الحقيقي اللي بيختم بمصداقية تفرح قلبك )
٣_ هتعرف أن اللي بيحبك ( مش هيستولي علي ودانك )
لا هيعمل أفعال حقيقية بدون اي وعود كدابة
٤_ اللي بيحبك بجد عمرة ما يهينك .. ولا يحطم في مقارنات مع اي حد .. بل بالعكس هيحاول أنة يشجعك تكون افضل ويساعدك علي دة
٥_ هتعرف أن ( اللي بيخون مرة هيفضل يخون ) والخيانة انواع ( بالكلام / بالتواصل / بالعيون / بالجسد ) واصعبهم انك تتخان بالإحساس .. تبقي مالك جسم شخص بس قلبة مع حد تاني .. فيفضل معاك بس مش معاك ولا بيحبك زي ما بتحبة كل حياتة معاك تمثيل
٦_ هتعرف أنة مش مطلوب منك ( تبهر اي شخص ) علشان يحبك .. لانك حقيقي شخصية تتحب وعندك مميزات م عند حد .. يكفي انك مأذتش حد ولا كدبت علية ولا خونت
٧_ هتعرف أن جمال الروح اكبر واحلي من حلاوة الشكل .. هتعرف أن الشخص اللي روحة حلوة وخفيفة ( وبيملي حياتك دوشة روحت فين وجيت منين ، اكل ولا لسة ، نمت ، انا بحبك ، مستنياك ، خلي بالك من نفسك ، هروح معاك ، مش هناك الا أما تنام ، خليك معايا ، انا هتعمل دة علشان عارفة انك بتحبة ،انا محتاجاكي ، تعال نخرج ، حقك عليا مقصدتش ازعلك ، مقدرش علي زعلك )
كل دي حاجات ( بتعلم في الروح مش بس في القلب )
٨_ هتعرف أن الإنسان المرح لا يعوض الشخص اللي بيخليك تعمل حاجات لأول مرة ومجنون وتحس انك طائر وانت بتجربتها ، الشخص اللي اول م تقع تلاقي اول حد جنبك ، لو مضايق تلقائي تلاقي رسالة منة او اتصال ، اللي بيشاركك في كل حاجة حتي وقت ما بيكونش معاك فلوس يقولك بردوا هنتبسط وفعلا يبسطك بأقل الاشياء
( والله والله والله م هتعرف تنساه ابدا )
٩_ هيقل عدد صحابك ومعارفك هيبقوا شخص أو شخصين وبس دول نعمة الحياة اللي هيفهموك بدون كلام ويقولك ( تعال يا فقري نعمل شئ جديد )
١٠_ هتعرف أن الراديو اجمل بكتير من التلفزيون والموبايل
وان الكتابة اجمل بكتير من الشات ، وان قراية كتاب ورقي افضل من الكتب الإلكترونية وهتدخلك في في مود تاني خالص خاصة لو معاك كوباية شاي بالنعناع
١١_ هتكون بسيط اوي في لبسك ،مش هتلاقي نفسك بتدور علي افخم لبس ولا الموضة قد ما هتلبس اللي يريحك وبس
ولو انتي بنت ( تدريجيا هتلاقي نفسك بتتخلي عن الميك اب والمكياج ) وبتحبي ملامحك تظهر Pureاكتر وهتحبي شكلك بدون مكياج وهتحسي انك مرتاحة
١٢_ هتبقي غروفتك هي خير صديق وصاحب وكتاب وقهوة أو شاي او نيسكافية
١٣_ لو حد اخد عنك صورة وحشة ( مش هتخاول تغيرهالة ) بل مش هتحاول اصلا تتكلم ، هتتجنب النقاشات والجدال وتحب سلامة دماغك اكتر
١٤_ هتميل لكل ما هو بسيط ( خروج بسيطة / أكلة بسيطة / سندوتش في الشارع / مشي تحت المطر / مشي مسافات طويلة / جري)
١٥_ لازم تدخل ( الچيم ) بشكل أساسي في حياتك صدقني هيكون من من مصادر السعادة
١٦_ هتلاقي نفسك تلقائي ( بأقرب من ربنا بكل حب وصدق وهتتوب عن حاجات كتير كانت الدنيا لاهياك عنها )
هيبقي اجمل ما مر في يومك هو ( ورد القرآن ) وتختم بقيام الليل وتتونس بربنا
١٧_ هتبص علي اللي خسرتة ( وهتفضل تحمد ربنا انك ممتلكتهوش لانة شايف بعيونك حقيقة الناس بعد ما يتوعد بتخلف وبتكدب وبتظهر علي حقيقتها )
١٨_ هتندم علي فرص ضيعتها مع ناس اسوياء حبوك بجد وانت لفيت ضهرك ليهم ،واتمسك بناس ملهمش أي قيمة ووقفت حياتك علشانهم
١٩_ هتزعل أن عمرك ضاع في اختيارات غلط ، وتعرف أن اللي حاربت علشانهم كل دنيتك حاربوك هما بكل ما أوتوا من قوة
٢٠_ هتوصل لمرحلة سلام نفسي عميقة جدا بقيت مرتاح لا منتظر حاجة من حد ولا مستني حد يرجع .. وتلاقي نفسك مقبل علي الحياة ومتفائل وكتفي بنفسك وفرحان أن عندك اكتفاء ذاتي بنفسك ، وكرامتك عالية ، واللي بيحبك حواليك
