الأكتئاب بكل ما يحمله من الآلم
بقلم / هاميس جمال
كان واقف قدام مريته زى عادته ، لكن المرة دى كان واقف يتأمل ملامحه و كأنه أول مرة يشوفها !
و دار حوار طويـــــــــــــل جداً يبنه و بين الشخص اللى قدامة ف المرآيا ..
– أنت مين
+ أنا الأكتئاب !!!
ـ بتعمل إيه معايا ؟؟
+ إنا صوت جواك بيلومك طول الوقت !
بيحبطك !
+ أنا اللى واقف عقبه بينك و بين سعادتك ! و بين حياتك كلها .
ـ علشان كدة أنا دايماً حزين و قلقان ؟؟
+ طبعاً و بإيدى أوصلك للأنتحار كمان !!
ـ من أمتى و إنت جوايا ؟؟
+ من زمــــــــــان جداً … أنا من سنين جواك ؟؟
– بس عايزاك تخرج منى !!
هنا بيضحك الاكتئاب ضحكة سخريه ، و بيقول للشخص اللى واقف قدام مرآيته…
+ مش بالساهل تخرجنى ، و لكن مفيش حاجة مستحيل .
دى كانت مجرد حكايه من وحى خيالى و لكن تعالوا كدة نقف كلنا قدام مرآينا النفسيه و نتعمق ف النظر ليها .
هو إيه الإكتئاب ؟؟
و إحنا ليه بنكتئب و إيه هى أعراضه؟؟
و هل ممكن نتخلص من الأكتئاب اللعين دة ؟؟
و إيه أنواع الأكتئاب ؟؟
الأول إيه هو الأكتئاب ؟؟
الأكتئاب هو مشكله بتصيب كمياء المخ نتيجة لصدمة العقل مقدرش يستوعبها ، زى ( فقدان العمل أو فقدان شخص عزيز – بعض التنمر اللى بيتعرض ليه الشخص و التقليل منه و السخريه على شكله أو هيئته البدنيه – الرسوب ف الدراسه لأى أسباب – شعور الفشل ) .
دة غير جلد الذات على أى سبب ، و إحساس المريض بالدونيه و التقليل من نفسة قدام نفسة طول الوقت .
دى بعض الأسباب مش كلها
اية بقى أعراض الأكتئاب !!!
شعور عميق ( بالحزن – الخزلان – فقدان الشغف – فقدان التواصل و حب الإنعزاليه – فقدان الطاقة – غضب على أتفه الأسباب – مشاعر ازدواجية ما بين الحزن و السعاده – و فى بعض الحالات بتكون ليها ميول انتحارية و لكن دى مع الاكتئاب الحاد ) .
انــــــواعه أية بقى …
أولا ـــ الاكتئاب الحاد و طبعاً دة بيكون الإنسان واصل لمرحله غير عادية من الحزن و الإحباط و جواه إحساس إنه المسؤل عن كل كوارث البيئه و شايف إن الحل الوحيد لراحته النفسية و راحة العالم كله ، هو الانتحار و أنه يتخلص من حياته ..
طيب هل مريض الاكتئاب بيهدد بالانتحار ؟؟ عادتاً لأ هو بس بحاول مع المحيطين ليه أنهم يسمعوه و بحتضنوا مشاعر الخوف و الحزن اللى جواه ، و لكن فجأة بينتحر بدون أى مقدمات .
ولكن اللى بيهدد بالانتحار دة بيكون عايز بس بتشاف و يتحس بوجوده ، ليس إلا .
فى كمان الأكتئاب الخفى !!!
أعراضه ايه بقى ….
١_ شخص مستمع جيد لكل مشاكل الغير … لكن جواه حزن شديد .
٢_ ألم غير مبررة ف كل جسده .
٣_ عصبى على أتفه الأسباب .
٤_ أرق و قله نوم .
٥_ جلد ذات طول الوقت ، و لوم النفس على أخطاء الطفوله !!
٦_ عدم القدرة على إتخاذ قرار .
٧_ ضعف ف التركيز و نسيان بشكل مستمر .
دى أعراض الأكتئاب الخفى و على ما أظن أن الغالبية عندنا الأكتئاب الخفى ده !!!
ندخل بقى على نوع غريب يمكن أول مرة تسمعوه و هو ( الاكتئاب المبتسم أو السعيد )
أعراضـــــــــه !!
١_ بيضحك قدام الناس عادى جدا و لكن بيدارى معاناته جواه .
٢_ بيعمل حركة دفاعية وهى ( الإنكار ) بمعنى أن كل حاجة تمام و أن مفيش حاجة حصلت ضايقته أو أثرت عليه نفسياً .
٣_ إحساسه إنه تقيل على غيره ف بيفضل دايما الوحده و الانطوائيه .
٤_ فقدان رهيب للشغف ف كل جوانب الحياة .
٥_ عنده شعور بالخجل أنه يعبر عن مشاعر حزنه قدام الغير .
و دة مرض الأكتئاب بكل أنواعه و أعراضه .
و لكن احب اقول ف النهايه أن مرض الاكتئاب بعيد كل البعد عن الدين ؟؟
مفيش حاجة إسمها قرب من ربنا ، و لا صلى كتير ، أنتم كدة بتتعبوه أكتر
اه طبعا القرب من الله مهم جداً ، و لكن دى مشكله ف كمياء المخ زى ما قلت ف بدايه المقال ف بلاش تزودو الطين بله و تتهموا مريض الاكتئاب أنه بعيد عن ربه .
أعان الله كل مريض بالاكتئاب
على آلامه و أوجاع قلبه .