كشف محمد عبدالوهاب، شقيق الفنانة شيرين عبدالوهاب، حقيقة ما تردد بشأن تعديه على شيرين بالضرب، واحتجازها بالمستشفى، قائلا: “الحكاية معقدة.. أختى تتعرض لعصابة حسام حبيب وسارة الطباخ، أختي بتضيع وبتنهار”.
تفاصيل أزمة شيرين عبدالوهاب
وأشار عبدالوهاب، خلال اتصال هاتفي ببرنامج “الحكاية” المذاع عبر فضائية “إم بي سي مصر”، مساء الأحد، إلى أن شيرين وحسام تصالحا قضائيا منذ أسبوع، مضيفا: “ضحكوا عليها، ورجعوا يتكلموا على الواتساب”، متابعا: “حسام حبيب وشيرين بيتعاطوا مخدرات وروحت جبتها من شقتها في التجمع الخامس ووديتها المستشفى”.
وأضاف، “ناس متخصصين من المستشفى هما اللي أخدوها من الشقة أنا كنت واقف بس.. ماما جاتلي وكانت عايزة تبوس على رجلي وقالتلي إنقذ شيرين من حسام”، متابعا: “أنا دخلت شيرين المستشفى دخول إلزامي.. يعني لازم تتعالج بالإلزام”، متابعا: “قانونا أنا في الأمان وسليم، ولآخر يوم في عمري ولو رقبتي هطير مش هخرج أختي غير لما الطب يقولي إنها سليمة”.
وأكد أنه لم يعتدي على شيرين بالضرب نهائيا، مضيفا: “قولنا إحنا وقعت على رجليها عشان كان عندها حفلة بالكويت.
ولكن حسام الحبيب وسارة الطباخ أخدوا الإعلام عند المستشفى عشان يشهروا بيها دول مش عايزينها تتعالج، وحاطين تطبيقات تجسس على تليفونها، وجايبين لها شيخ”، متابعا باكيا: “انجدونا.. ياسر قنطوش رفع عليا قضية أنا مدخل أختي المستشفى من 3 أيام، إحنا بنتعرض لعصابة”.