تعلن الخطوط الترفهية عن قيام رحلتها اليومية الى دنيا النعنشة و الفرفشة

تعلن الخطوط الترفهية
عن قيام رحلتها اليومية
الى دنيا النعنشة و الفرفشة
و الرحلة مجانية
لا حتكلفك ابيض
ولا سندوتش طعمية
دى رحلة مزاجية
و كمان تنشيطية
تزيل عنك الهم
و تبعدك عن ريحة
التقلية.
رحلة. مواعيدها
بمزاجك
يهمنا بس راحتك
و رفع معنوياتك
مش طلبين فلوس
ولا جلد للنفوس
عاوزينك بس مبسوط
ولا تكون من التعب
مضغوط و مهموم
عاوزينك تفرفش
تنعنش ومرتاح البال
و كلك نشاط
و تنسى شوية مشكلك
و تدور قوام ع راحتك
ما الدنيا ماشية ماشية
لية تمشى معاها مسجون؟!
جوا الحزن و الهموم
روق كدا و خدلك اجازة
و اطلع الرحلة و فككك شوية
و غيظ ابو لبانة
دية رحلة مواعدها صباحية
لاجل ما يحلى يومك
و تسعد روحك
و تفرفش النفسية
وصباح الفرفشة اللى هى