أثارت الفنانة لقاء الخميسي، الكثير من الجدل خلال الساعات القليلة الماضية، بعدما صرحت بأنها تعتنق الديانة الإسلامية عن طريق الوراثة، ولكنها لم تُسأل عن أي الديانات التي ترغب الدخول فيها، موضحة بأنها حينما ولدت وجدت والدها مسلم فأصبحت مثل أبيها، على حسب ما قالته.
وأكدت الفنانة، خلال تصريحات تليفزيونية: “دلوقتي إحنا بنورث الديانة، وهو في حد مش بيورث الديانة من أبوه؟، وعلى فكرة أنا مسلمة بالوراثة زي ما أنا مصرية بالوراثة، ومفيش حد سألني أنا عاوزه أبقى إيه، وهل ده له علاقة بكوني مصرية.. هل كلامي ده يقلل من ديني؟، وبجد أنا واضحة بصورة كافية ومش مضطرة أقول كلام له معاني تانية.. أغلب الناس الموجودة حالياً وارثة الديانة”.
وواصلت لقاء: “وكان ممكن أوي أقوم من النوم ألاقي والدي مسيحي، وأكون ساعتها مسيحية.. أنا مخترتش ليه الناس بتعاقبني؟، ولو جاري مسيحي ومش بحبه بعاقبه ليه على حاجة مش هو السبب فيها، هو صحي من النوم لقى والده مسيحي.. المفروض عليه إنه يموت نفسه أو أموته مثلاً، الإسلام والمسيحية بالوراثة، وعلى فكرة أنا أعز أصحابي مسيحي.. هو ده معناه إني كويسة وهى وحش؟”.
وحينما سؤلت عن النقاب، ردت: “النقاب مش مذكور في القرآن، وعمري ما هقول إنه بدعة، وربنا سبحانه وتعالي قال (وليضربن بخمورهن على جيوبهن)، وكل الموضوع حتة قماشة تتحط على الصدر وخلاص”.
وأضافت: “وأنا ليا 3 أصحاب بس في حياتي كلها، وكنت أعرفهم قبل ما أعرف محمد عبدالمنصف، وهم جرجس وبيشتغل مهندس ديكور وكان بيدرس معايا في المعهد، وإيهاب العدلي وده كان بيلبسني من وأنا لسه في المعهد، وأدهم أنتيمي من سوريا، ودلوقتي كل واحد فينا في مكان بعيد عن التاني”.