انت عارف انت محتاج ايه ؟ بقلم /رضا طلعت فهيم

انت عارف انت محتاج ايه ؟
بقلم /رضا طلعت فهيم
انت محتاج حد يحس بيك قبل ما يحبك ،
محتاج حد يهتم بأدق أدق تفاصيلك ويراعي إنك شخص بتتأثر بسرعة وممكن كلمة تخليك في سابع سما وكلمة تخليك في سابع أرض ،
عايز الشخص اللي يتعامل مع ماضيك علي اساس انه منطقة محرمة مينفعش حتي يسخر منها او يفكرك بيها ،
الشخص اللي يعرف نقاط ضعفك ويقويك بيها مش يستغلها ضدك ،
شخص يكتم اسرارك ويدافع عنك قدام الناس حتي لو كنت انت الغلطان ، محتاج حد يكملك مش يكمل عليك
يراعي مزاجيتك وعصبيتك ويفهم يعني اية خوف ووجع ونوبات حزن وبكاء مفاجئ،
شخص يحترمك ويصونك في غيابك قبل حضورك ،
محتاج حد بيشوف كل الناس فيك .
محتاج اللى بيحبك قبل مايفكر يكلم او يضحك او عقله يتكلم مع حد ..يراعى ربنا فيك
قبل ماايده تكتب كلمه حلوة فى رساله لحد ..ضميره يوجعه .
محتاج حد يفهم ضحكتك المرسومة قدام الناس ويبقي حنين عليك لما الدنيا تقسي عليك ،
انت مش محتاج كلام حب قد ما انت محتاج كلام يطيب قلبك ،
عايز حد وقت ما تحتاجه تلاقيه موجود ووقت ما تضعف يشد بايدك ويسندك ،
انت محتاج نسخة منك في شخص تاني بكل المميزات والعيوب اللي فيك.
عرفت انت محتاج ايه
طب عرفت هتلاقى الحد ده فين .
طب ممكن تقفل على قلبك وعقلك باب علشان مفيش حد هتلاقيه زيك
انت ممكن تعمل كل ده ..لكن مش هتلاقى النص التانى اللى زيك
لان مفيش زيك
كلهم مصالح وكدب وقلبهم معروض للبيع ؟