قالت الإعلامية نجوى إبراهيم إن النفس أمارة بالسوء، موضحة بن الدنيا دائما تظهر على حقيقتها عندما ينطفئ الضوء على نجم من العاملين فى نفس المجال والمشاهير.
وأضافت نجوى إبراهيم عبر برنامج «بيت العز» فى ردها على بعض الكومنتات التى تنتقدها: «عندى 80 سنة وغلبانة وعيانة وعندى سرطانات وعاملة 7 آلاف عملية وهعتزل وهموت قريب، هدوا نفسكم والنبى والله مش عشانى، أنا مش جايه أربى عيالى أنا جايه فرحانة بيكم ومبسوطة بيكم وبتشرف بكلامى معاكى حبوا بعض شويه وشغلوا العقل شويه».
واستكملت: «أول مرة أقرأ كومنتات كتير جدًا على حاجة نزلت، يا نهار أبيض على اللى اتقال، ما تروحوا يا جماعة تتعالجوا.. إنتوا عايزينى أعتزل؟ ما ضرورى الواحد يعتزل هو هيقعد طول العمر يكلمكم؟ ممكن أعتزل الأسبوع اللى جاى لإنى اتخنقت مش عمر آخر عمر الواحد ياخد ده كله بالراحة على نفسكم».
واختتمت: «الناس بتستكتر على غيرها الابتسامة وليه لازم كل الناس اللى بتضحك يبقى عندها ملايين؟ ما تقولوا الحمد لله.. يا رب أبقى زيه وباسم الله ما شاء الله، ومن شر حاسد إذا حسد، انتو إيه اللى يريحكم أعتزل».