أثارت فيديوهات التيك توكر وحش الكون حالة من الجدل والغضب بعد ظهورها وابنتيها بفيديوهات مُخلة ومنافية لأخلاق المجتمع، واتهامها بالتحريض على الرذيلة والفجور والفسق، وبمثول المتهمة أمام جهات التحقيقات أنكرت اتهامها باستغلال ابنتيها القصر عبر مواقع التواصل الاجتماعي، مبررة هذا بأن الغرض من وراء تلك الفيديوهات التربح المادي وزيادة المتابعين.
وجاء فى نص التحقيقات في قضية التيك توكر وحش الكون والتي حملت رقم 1437 لسنة 2024 بعد أن رصدت مباحث الآداب العامة كافة الأعمال المنافية للآداب على المواقع الإباحية والتطبيقات الإلكترونية الخاصة بالتواصل الاجتماعي للوقوف على ثمة أعمال منافية للآداب العامة والحد من انتشارها وضبطها والحفاظ على قيم المجتمع وعاداته وتقاليده وبمتابعة التطبيق الإلكتروني تيك توك والمستخدم للتواصل الاجتماعي، تم رصد حساب متاح للكافة باسم وحش الكون بعدد متابعين يصل إلى 371.200 ألف وعدد تسجيلات إعجاب 87 ألفا، وبمتابعة ذلك الحساب تبين تقديم إحدى السيدات ابنتيها واستغلال حداثة سنهما في عرض محتوي غير أخلاقي في خاصية اللايف بغرض تحقيق الربح المالي عن طريق زيادة نسبة المشاهدات وذلك بالمخالفة لأحكام المادة 25 و27 من قانون 175 لسنة 2018 بشأن إساءة استخدام شبكات التواصل الاجتماعي.
وجاءت تحقيقات هبة المتهمة المعروفة بوحش الكون كالآتي: اللي حصل إني كنت متزوجة من أحمد. م في 2006 وأنجبت طفلتين بسملة 16 سنة وفاطمة 14 سنة والزواج ده انتهي من حوالي 4 أشهر لما خلعته بسبب خلافات مالية أنه في آخر سنتين مكنش بيصرف علينا واللي أعرفه عنه أنه سافر الجزائر، وبسبب الأزمة المالية اللي مريت بيها بناتي عرضوا عليا فكرة أنها تكسب فلوس من على النت وساعتها مكنتش أعرف أي حاجة عن الموضوع ده والبنات قالولي فيه تطبيق اسمه التيك توك عن طريق فتح بث مباشر لايف وده بيقى عبارة عن اللي يشغل الكاميرا بتاعت التليفون، وأن يعمل أي محتوي أو يتكلم في أي حوار وفيه متابعين بتدخل على البث المباشر المتفاعل على البث عن طريق أنها بتدوس على بعض الخيارات في الشاشة، بتتبعت بيها هدايا للشخص اللي فاتح البث والهدايا دي لها قيمة وتتحول إلى فلوس والفلوس دي صاحب البث ليه نص قيمتها وشركة التيك توك بتاخد النص الباقي وقررنا أننا نجرب نعمل بث على التيك توك، وأول بث كان على قناة اسمها برنسيسة إسكندرية والقناة دي اتحظرت واتقفلت وكنا حققنا فلوس حلوة من أول قناة وكان عليها 20 ألف متابع، وبدأت حالتنا
.
اعترافات وحش الكون أمام جهات التحقيق
وأضافت هبة المعروفة بـ وحش الكون أمام جهات التحقيق: في البداية البث كان عبارة عن ظهورنا إحنا الثلاثة ونقول أسامي المتابعين ونشكرهم بس لما القناة اتقفلت وعملنا قناة جديدة وقررنا نشتغل تاني في نفس المجال وفتحنا قناة جديدة اسمها وحش الكون ولما فكرنا في الموضوع ملقناش أي محتوى نعمله أننا تقول أسامي المتابعين والداعمين اللي بيدعمونا بس التفاعل مع الداعمين في حساب وحش الكون مكنش كثير وبعد كده بدأنا نقعد أنا وبناتي بمكياج ولبس البيت واللبس كان فاضح شوية بس لقينا التفاعل زاد وكنا محتاجين نفتح البث كثير عشان نزود التفاعل ونزود المشاهدين على البث عشان يدعمونا بهدايا وإحنا نحولها لفلوس وابتدى التفاعل يزيد وفي آخر كل بث التيك توك بيظهر ليك الهدايا التي وصلت ليك بعد خصم الشركة نص المكسب وبيقدر قيمتها بالدولار وفي الآخر يتحول على حساب بنكي باسمي في بنك إسكندرية بس أنا مش فاكرة رقم الحساب ومعظم الدعم كان من الخليج.
وأضافت التيك توكر وحش الكون في التحقيقات: أنا بكسب فلوس من على النت وساعتها أنا مكنتش أعرف حاجة عن أكثر من حوالي سنة، وبناتي الاثنين جابولي فكرة البث المباشر اللايفات وقالولي هنكسب من البيت وإحنا فاتحين النت وعجبتني الفكرة ووافقتهم عليها ولما جربنا في أول حساب على التيكتوك ودخلنا منه فلوس لقيها الموضوع سهل، وغرضي من اسم وحش الكون هو لفت الانتباه، وكنا بنقول أسامي المتابعين والداعمين اللي بيعتوا هدايا وبنشكرهم عليها.
وأوضحت تحقيقات التيك توكر وحش الكون: كنا بنلبس لبس خروج عادي وكان بيتابعنا 20 ألف متابع على الحساب القديم ولما الحساب اشتغل عملنا وحش الكون واشتغالنا عادي محصلش حاجة وكل التيك توك بيعمل زينا وإحنا مش بنعمل أي حاجة غير الناس الثانية وبيجلنا ربح مادي كويس، والمحتوى كان كله عبارة عن إذا يتطلع إحنا الثلاثة مع بعض أنا وبناتي وكنا لابسين وحاطيين مكياج وبنتفاعل مع الداعمين ونقول أسمائهم ونتكلم في أي حوارت وكنا بنقعد ساعات بلبس البيت ولبس مناسب للظهور على النت عشان نلفت الانتباه، ومكناش كده لوحدنا على التيك توك بنعمل كده وكنا بنعمل كده عشان نجذب الانتباه في اللايف وكنا بنبقى واخدين راحتنا شويه وبنتي الصغيرة كانت بتقعد على السرير وأنا وبنتي الكبيرة قاعدين على الأرض وكنا بنكلم المتابعين.
وتابعت والتيك توكر هبة المعروفة بوحش الكون في التحقيقات: حسابي عليه 380 ألف متابعي والحساب البنكي عليه 300 ألف جنية تقريبًا، وعايشه أنا وبناتي من فلوس التيك توك وجيبت موبيلات ولبس وعيشتنا بقيت أحسن، وكان قصدي أنهم يطلعوا باللبس والشكل ده عشان تجذب المتابعين ونحقق ربح مالي وتحسن