يكفيك شرف المحاوله
للكاتبه / هاميس جمال .
شرف المحاوله تاج على رؤوس الناجحين و المبدعين .
محدش فينا إتولد عالم ، و لا مُبدع .
كل ما ف الأمر أنه قرر يكون نفسة و يثبت للعالم إنه قادر يخلق من الخيال حقيقة .
قادر يصنع من السراب .
أرض واقعية يعيش عليها .
ف متسمحش لأيامك أنها تكون باهته أو متشابهه .
متسمحش لأيامك أنها تطفيك .
متسمحش للدقايق أنها تتحكم فيك .
ولا للساعات أنها توقف زمانك .
إمنح نفسك فرص الخوض في تجارب جديدة .
و يكفيك صدقنى شرف المحاوله .
خايف تفشل ؟؟
مش مهم ! لكن يكفيك شرف المحاوله .
حتى لو فشلت … أتأكد أن الفشل هو أول خطوة فى طريق النجاح الحقيقى و المستمر ، لأن ف كل طريقة غلط هتعملها !!
هتتعلم قدامها ألف طريقه صح للنجاح .
و أتأكد أن مفيش حد أبدا فاشل
و ان لكل شخص فينا مجال من مجالات النجاح ف الحياة
مفيش حد فينا فاشل .
« الدكتور ، المدرس ، العالم ، الشيف ، أصحاب الحرف اليدوية ، الرسام » « الطالب ، الام ، الاب ، الأبناء » لكل شخص مننا إبداعاته المختلفة .
ف أحذر من ترديد كلمات تضعف ذاتك و تقلل من قيمتك قدام نفسك .
هتقابل عوائق ؟؟
العائق ما هو إلا باب جديد بتفتحلك أبواب جديدة و إبداعات جديدة للنجاح .
لو سألت متسلقين الجبال هل وصلوا للقمة بسرعة ، أكيد هتلاقى اللى يقولك أنه سقط كذا مرة و من على ارتفاعات مختلفة كمان .
حياتك هتعاندك ؟؟
خليك أقوى منها و إعند أنت كمان قدامها و صمم ع إنك تكمل مشوارك ، و أتاكد أن العند دة هيزيدك صلابه و قوة إرادة … يكفيك شرف المحاوله .
الحياة مش بتدوس غير ع القوى علشان تأكدله أنه حقيقى قوى و رافع رأسه لفوق جداً .
إنما الضعيف ، ف سيباه لضعفة لأنه الضعف كفيل أنه يدمرك و ينهى كل الحياة جواك .
إحزر من رفع رأية الاستسلام
و الخضوع للزمن ، و للهزيمة .
كون قائد زمانك و أيامك .
حكمة خليها دايماً قدام عنيك .
« الحياة مليئه بالحجارة ، فلا تتعثر بها ، بل إجمعها و أبنى بها سلم ، تصعد به نحو النجاح » .