أُنفض غبار الحب . بقلم / هاميس جمال .

أُنفض غبار الحب .
بقلم / هاميس جمال .
من أجمل المشاعر اللى بيعشها الإنسان هو الحب .
حب الذات و حب الغير و حب الطبيعة و حب الحياة بأكملها مهما كان فيها من متاعب .
الحب ف مُجمله هو كتله من العطاء للآخر .
حب دايما بيكون غير مشروط .
و لكن ماذا لو انقلب الحب لسموم و ألم ؟؟
لابد من وقفه سريعة و لابد أيضاً من التعافى .
التعافى من أى علاقة سامة دخلت حياتك .
و أى مشاعر سلبيه دخلت نفسك علشان تسممها و تقتل كل جميل فيها .
فما هى العلاقات السامة التى تحتاج للتعافى ؟؟
” الأنانى ” اللى دايما عايز ياخد. و بس !!
” النرجسي ” اللى من بداية علاقتك بيه وهو مقرر دمارك !! علشان يحس هو بالنشوة .
” وقت فراغ ” اللى شايفك مجرد وقت فراغ و متعة هو اللى محدد نهايتها و متحكم فيها .
” القاسى ” اللى مهما شاف من متاعبك و انهيارتك ،،،،لا يبالى ابداً .
” المستهتر ” و معندوش إستعداد يأخد خطوة واحدة لحياة تجمعكم .
” السلبى و الضعيف ” اللى سايبك تواجه العالم كله ، و هو واقف ف الخلفية يتفرج عليك .
و كتير من العلاقات دى لابد بترها نهائى .
نتعافى ازاى بقى …؟؟
أولا .. من حق قلبك يحزن و بلاش تنكر مشاعرك بالحزن لأننا ف الاول و الآخر بشر و لينا مشاعرنا .
ثانياً .. قرر تقف لنفسك و ترفض العلاقة دى نهائى و قرر كمان تستحمل كل العواقب بعدها .
ثالثاً .. أقفل الباب الموارب نهائى و عدم السماح للمؤذى أنه حتى يخبط علية من تانى .
رابعاً .. ابدأ من جديد ف حياة تكون أنت صانعها و المتحكم فيها … مش أشخاص تانية .
خامساً .. بلاش جلد الذات الزائد عن اللزوم و تتهم نفسك بالفشل .
سادساً .. و يمكن دى اهم تصرف يتعمل !!!
« اختبر أى إنسان يدخل حياتك قبل ما تتعلق بيه علشان تتأكد هل فعلا يستحق الاستمرار في حياتك و ينفع يكون مجرد عابر سبيل »
و زى ما دايما بقولها
” قرر تعيش حياتك بالشكل اللى أنت تحبة … مش باللى الناس تحبة ”
حياتك ملكك أنت و نفسيتك هى بيتك ف متهنهاش و تقدمها على طبق من بلاستيك لأى شخص يتلاعب بيها .