سواق_الأتوبيس ومسلسل نقل عام
طيب هو فى الأول مش هنختلف على أن سواق الأتوبيس قُتل بحثاْ وده طبيعى كفيلم أنا بعتبره من أيقونات السينما المصرية والعربية وأنا كتبت مرتين ويمكن أكتر وده رابط لمقال سابق
طيب هو ينفع نقارن أو نقول أن نقل عام أمتداد أو جزء تانى لفيلم سواق الأتوبيس ( أيوه ينفع ) وخصوصا لو أن المقارنة كانت بين فترات زمنية يعنى سواق الأتوبيس بيناقش فترة الانفتاح الأقتصادى والتحول الدرامى لفترة ما بعد نصر أكتوبر والتغيرات المجتمعية ومسلسل نقل عام نقدر نقول أتوبيس ما بعد يناير أو ثورة يناير وعلشان مندخلش فى تحليل جديد ل سواق الأتوبيس هكتفى بس التشابه قبل الاختلاف وهى أن فكرة الأتوبيس عموما أنا شايف أنها النموذج الأصغر للمجتمع بعتبار أنه مكان بيجمع طبقات أجتماعية مختلفة والتشابهات بين العملين هنا أتوبيس وهنا أتوبيس أتوبيس نور الشريف نقل عام والمالك هى الدولة
وأتوبيس محمود حميدة برضه نقل عام بس المالك شركة قطاع خاص أتوبيس #نور كان فيه حرامى بس حرامى ظاهر معروف أنه حرامى السواق عارف والمحصل عارف والركاب عارفة ومع أول صرخة وكلمة حرامى الكل بقا عارف مين الحرامى أتوبيس حميدة برضه فيه حرامى بس بقا حرامى شيك لابس شيك وساكن شيك وعنده فلوس وعايز يستغل الأتوبيس فى تهريب أثار يعنى مش حرامى عايز محفظة فى أول يوم فى الشهر والناس لسه قابضة
( لأ ) حرامى سارق البلد بحالها وعايز يستخدم أداة من أدوتها ( الأتوبيس ) فى نقل غانيمته وفى الأخر الاتنين للأسف حرامية .. هنقارن بين كل التفاصيل فى العملين بس ٥ى مقال مختلف تجنبا للأطالة ..
