تداول رواد مواقع التواصل الاجتماعي مؤخرًا فيديو يثير الجدل لـ إمام عاشور، لاعب خط وسط الأهلي، وياسمين حافظ زوجته خلال حفل زفاف مروان عطية، الفيديو الذي انتشر بسرعة يظهر إمام عاشور وهو ينفعل على أحد الحاضرين في الفرح، متوجهًا بكلمات حادة له.
وكشف الشاب محمد أشرف، صديق اللاعب مروان عطيه، نجم النادي الأهلي، الذي اعتدى عليه إمام عاشور، عن تفاصيل الصلح بينه وبين نجم الأهلي.
وكتب أشرف، في منشور عبر صفحته على موقع التواصل الاجتماعي فيسبوك قائلا : « بسم الله.. (وإن تعفوا وتصفحوا وتغفروا فإن الله غفور رحيم).. بالنسبة للموضوع اللي كان حاصل بيني وبين الكابتن إمام عاشور، فـ الموضوع كان خلصان في وقتها والكابتن إمام برا القاعة رضاني بعد ما عرف إن القصة كانت سوء فهم مش أكتر والموضوع خلص
وأضاف صديق مروان عطية: «الفيديو لما نزل على السوشيال فيه ناس خدته في سكة أهلي وزمالك، لكن الناس مشافتش اللي حصل بيني وبين الكابتن إمام برا القاعة، الناس شافت الفيديو اللي فيه المشكله بس، والكابتن إمام اتصل بيا وكلمني كذا مرة النهاردة، وكلمني فيديو وقالي أوعى تكون لسه زعلان على سوء التفاهم، والراجل اتكلم بكل احترام وأنا شكرته على أسلوبه وأنه رضاني والموضوع انتهى».
وتابع : « فياريت الناس الكويسة الي يهمها الحق وملهاش علاقة بأهلي وزمالك، حصل سوء فهم واتزقيت، ولما الصورة وضحت الراجل تفهم الموضوع، سواء وقتها أو بعد كده، وأنا الحمد لله مرضي والحمد لله إن الموضوع خلص وعدا وفات، اللي يهمه شخصي فـ أنا اتراضيت والموضوع خلص، واللي واخد المسألة شخصية وأهلي وزمالك ف ده ربنا يهديه لنفسه ولحاله».
واختتم: «وفي النهاية وبعيدا عن الكورة كلنا إخوة وحبايب وكل التقدير والاحترام لكل الناس المحترمة اللي اتدخلت في الموضوع».
